კატალონიის "ბარსელონას" ნახევარმცველი, ხავიერ მასკერანო, გამოტყდა, რომ ლეო მესის მსოფლიო ფეხბურთის ისტორიაში საუკეთესოდ მიიჩნევს.

"მესი უნიკალურია და , რა თქმა უნდა, საუკეთესო მოთამაშეა სპორტის ისტორიაში. ამაზე ციფრებიც მეტყველებს", -ციტირებს მასკერანოს სიტყვებს კლუბის ოფიციალური საიტი.

"88 გატანილ გოლზე ისე ვლაპარაკობთ, თითქოს ყოველდღიური შემთხვევა იყოს, თუმცა ეს დაუჯერებელი მიღწევაა. თითქოს ვიღაც ჯადოსნური ჯოხით შეეხო მას".