მადრიდის "რეალის" მარცხენა მცველმა ტრავმა მოიშუშა.

დღეს, დაახლოებით სამთვიანი პაუზის შემდეგ, პირველი სრულფასოვანი ვარჯიში ჩაატარა "ბლანკოსის" ბრაზილიელმა მცველმა მარსელომ, რომელმაც ფეხი ნაციონალური ნაკრების ერთ-ერთ ვარჯიშზე მოიტეხა.

ახლა კი, გავრცელებული ინფორმაციის თანახმად, მცველი ესპანეთის თასზე "სელტას" წინააღმდეგ თამაშს შეძლებს.

აღსანიშნავია, რომ ცოტა ხნის წინ იტყობინებოდნენ, რომ მარსელო მოედანზე გასვლას იანვრის შუა რიცხვებამდე ვერ შეძლებდა.