ეს სიახლე კლუბ "კანილიასის” პრეზიდენტმა მანუელ ალვარესმა გაავრცელა, რომლის კლუბშიც "განსაკუთრებულის” შვილი თამაშობს.

"მოურინიომ გვითხრა, რომ მომდევნო სეზონიდან, ჩვენს მწვრთნელებს რჩევებს ვეღარ მისცემს, რადგან აქ აღარ იქნება”, – აცხადებს მანუელ ალვარესი COPE Deportes-თან ინტერვიუში.

"თუ ჟოზე "რეალს” დატოვებს – ეს ესპანური ფეხბურთისთვის სერიოზული დანაკლისი იქნება. ვიმედოვნებ, რომ ფლორენტინო პერესი ამ პრობლემას გადაჭრის”.

შეგახსენებთ, რომ პორტუგალიელი სპეციალისტის სახელს, რომელსაც "რეალთან” მიმდინარე ხელშეკრულება 2014-წლის ბოლოს ეწურება, "ჩელსისა” და "პარი სენ ჟერმენს” უკავშირებენ.

საინტერესოა, რომ 2011 წელს, "კანილიასი” გაკოტრებისგან სწორედ მოურინიომ იხსნა, როდესაც ესპანურ კლუბისთვის 10 ათასი ევრო გამოყო.