"მანჩესტერ სიტის" მთავარმა მწვრთნელმა რობერტო მანჩინიმ გუნდის არგენტინელი თავდამსხმელის სერხიო აგუეროს ტრავმის სერიოზულობაზე ისაუბრა.

"არ ვფიქრობ, რომ აგუერომ სერიოზული ტრავმა მიიღო. მას მუხლქვეშა მყესები აქვს დაზიანებული - მისი აღდგენითი პროცესები 10 დღეს გასტანს",-განაცხადა მანჩინიმ.

შეგახსენებთ, რომ აგუერომ ტრავმა ინგლისის პრემიერ ლიგის 21-ე ტურის მატჩში მიიღო, სადაც მისი გუნდი "სტოკ სიტის" დაუპირისპირდა (3:0).