"მანჩესტერ იუნაიტედის" ნახევარმცველები ნანი და ანდერსონი ინგლისის პრემიერ ლიგის 22-ე ტურის მატჩში "ლივერპულის" წინააღმდეგ თამაშს შეძლებენ.

მანჩესტერელთა სამწუხაროდ, ამ მატჩს გამოტოვებს უეინ რუნი, რომელსაც მუხლის ტრავმა ჯერ კიდევ არ მოურჩენია, იტყობინება Sky Sports.

შეგახსენებთ, რომ ნანი და ანდერსონი საფეხბურთო მოედანზე ერთ თვეზე მეტია არ გასულან: ნანის 2012 წლის 7 ნოემბრიდან არ უთამაშია, ხოლო ანდერსონს 1 დეკემბრიდან.

"მანჩესტერი" - "ლივერპული" 13 იანვარს "ოლდ ტრაფორდზე" გაიმართება. მატჩი თბილისის დროით 17.30 საათზე გაიმართება.