"მანჩესტერ სიტი" "არსენალთან" პრემიერ ლიგის 22-ე ტურის მატჩში მცველის ვენსან კომპანის გაძევებას არასამართლიანად მიიჩნევს, იტყობინება Sky Sports.

შეგახსენებთ, რომ ამ მატჩის მთავარმა არბიტრმა მაიკ დინმა მანჩესტერელების კაპიტანს წითელი ბარათი მოწინააღმდეგეთა ნახევარმცველის ჯეკ უილშერის მიმართ უხეში თამაშის გამო უჩვენა, სწორედ ამიტომ, ბელგიელ ცენტრალურ მცველს სამმატჩიანი დისკვალიფიკაცია ემუქრება. იმ შემთხვევაში, თუ ინგლისის საფეხბურთო ასოციაცია (FA) ამ აპელაციას არ მიიღებს, მაშინ კომპანის დისკვალიფიკაცია არ ასცდება.

შეგახსენებთ, რომ "არსენალისა" და "სიტის" "ემირეიტსზე" გამართული მატჩი მანჩესტერელების გამარჯვებით, ანგარიშით 2:0 დასრულდა.