ანდალუსიურ კლუბს გამოცდილი ნახევარმცველის გასხვისება არ სურს.

გასულ კვირას ესპანურ პრესაში გავრცელდა ინფორმაცია იმის შესახებ, რომ "ატლეტიკო” და "მალაგა” ჟერემი ტულალანის ტრანსფერზე შეთანხმდნენ. გარდა ამისა, ამ ტრანსფერის ფასიც კი დასახელდა – ხუთი მილიონი ევრო.

თუმცა, გუშინ ცნობილი გახდა, რომ ერთ-ერთი მხარე ამ სიახლის ოფიციალურად დადასტურებას არ ჩქარობს. როგორც აღმოჩნდა, "ატლეტიკოს” ხელმძღვანელობა "მალაგას” ბოსებს ჯერ არ შეთანხმებია, რადგან ანდალუსიელებს 29-წლის ნახევარმცველის "როხიბლანკოში” გაშვება არ სურთ.

შეგახსენებთ, ტულალანი "ლა როსალედაზე” 2011-წლიდან ასპარეზობს. ჟერემის სანაცვლოდ "მალაგამ” "ლიონს” ათი მილიონი ევრო გადაუხადა.

წყარო: Unicaja Diariosur