როგორც მოგეხსენებათ, "მალაგას” ახალი მწვრთნელი ჰყავს. ბერნდ შუსტერის პრეზენტაციაზე აღნიშნული გუნდის პრეზიდენტმა გუნდის სამომავლო გეგმებზე ისაუბრა. რა თქმა უნდა, მოაიად შატატი ისკოსაც შეეხო.

"ისკო ჩვენთვის უმნიშვნელოვანესი ფეხბურთელია. მის ყიდვას უამრავი გრანდი ცდილობს. ჩვენს ახალ მწვრთნელს მისი გაშვება, რა თქმა უნდა, არ უნდა. "მალაგას” მცირე თანხა არაფერში არ სჭირდება, თუ ასეთ ფეხბურთელს გაუშვებს. შესაბამისად, ამ ფეხბურთელით დაინტერესებულ კლუბებს მინდა ვუთხრა, რომ ისკოს მაშინ გავყიდით, თუ იმ თანხას შემოგვთავაზებენ, რაც იგი ნამდვილად ღირს” (შეგახსენებთ, რომ ესპანელები ისკოს 35 მილიონ ევროდ აფასებენ. ავტ.)-განაცხადა შატატმა.