ლონდონის "ჩელსის" 18-წლის ბრაზილიელი ნახევარმცველი მიმდინარე სეზონის მეორე ნახევარს ესპანეთის პრიმერა დივიზიონში გაატარებს.

"მალაგამ" "არისტოკრატებთან" ახალგაზრდა ნიჭიერი ფეხბურთელის ნახევარწლიან არენდასთან დაკავშირებით შეთანხმებას მიაღწია, რომელსაც ლონდონელების პირველ გუნდში სულ სამი მატჩი აქვს ჩატარებული.

ეს ინფორმაცია დღეს ოფიციალურად დაადასტურა "ჩელსის" მთავარმა მწვრთნელმა რაფაელ ბენიტესმა პრესკონფერენციაზე.

შეგახსენებთ, რომ პიაზონი ლონდონურ კლუბში 2011-წელს "სან-პაულუდან" გადავიდა.