მერსისაიდელები "ატლეტიკოს" შემტევი ნახევარმცველის გადაბირებით არიან დაინტერესებულნი.

Fichajes.net იტყობინება, რომ "ლივერპული" ზაფხულის სატრანსფერო ფანჯარაზე მადრიდის "ატლეტიკოს" ერთ-ერთი ლიდერის გაფორმებას შეეცდება.

შემტევი ნახევარმცველი არდა თურანი პირადად ბრენდან როჯერსს სჭირდება. თურქის სანაცვლოდ "წითლების" ხელმძღვანელობა მზადაა დაახლოებით 20 მილიონი ევრო გადაიხადოს.

აღსანიშნავია ის ფაქტიც, რომ ადრე ნახევარმცველმა "ვისენტე კალდერონის" დატოვების სურვილი გამოთქვა, თუმცა შემდგომ განაცხადა, რომ მის ამჟამინდელ კლუბში ყველაფრით კმაყოფილია.