10:56 PM “ლივერპული” მხითარიანის ტრანსფერზე მუშაობას იწყებს | |
 ინგლისურ კლუბს დონეცკის "შახტარის” შემტევი ნახევარმცველის შეძენა სერიოზულად სურს. "ლივერპული” უკრაინულ კლუბს გენრიხ მხითარიანის ტრანსფერთან დაკავშირებით ოფიციალურ წინადადებას უმზადებს. მერსისაიდელები მზად არიან ფეხბურთელის სანაცვლოდ, სხვადასხვა წყაროების ინფორმაციით, 20-22 მილიონი ფუნტი გადაიხადონ. ამ ტრანსფერის ნაწილის დაფარვას ლივერპულელები "ვესტ ჰემში” ენდი კეროლის გაყიდვით გეგმავენ. შეგახსენებთ, სულ ცოტა ხნის წინ, მირჩა ლუჩესკუმ სომეხ ფეხბურთელს სატრანსფერო ფასი დაადო – 30 მილიონი ევრო. რაც შეეხება თავად მხითარიანის პოზიციას, იგი ღიად "შახტარის” დატოვების სურვილს არ გამოთქვამს, თუმცა ამავდროულად არ მალავს იმასაც, რომ თავისი ძალების კონტინენტის რომელიმე ტოპ-ჩემპიონატში მოსინჯვას ოცნებობს. ცნობისათვის, გენრიხს დონეცკელებთან კონტრაქტი 2015-წელს ეწურება. წყარო: The Sun,The Guardian | |
|
| |
| სულ კომენტარები: 0 | |