"ბლექპულის" ნახევარმცველი ტომ ინსი უკვე ზამთრის სატრანსფერო ფანჯარაზე შესაძლოა გადაბარგდეს "ლივერპულში", იტყობინება Goal.com.

წყაროს ინფორმაციის თანახმად, "ლივერპული" 20-წლის შემტევი ნახევარმცველის გაფორმებასთან 5-6 მილიონ ფუნტ სტერლინგად ახლოსაა.

აღსანიშნავია ის ფაქტი, რომ ინსი, რომელიც "ლივერპულის" აკადემიის აღზრდილად ითვლება, "ბლექპულში" 2011-წელს სულ რაღაც 250 ათასი ფუნტის სანაცვლოდ გადავიდა. ფეხბურთელს ჩემპიონშიპის ბინადარ კლუბთან კონტრაქტი 2012/13 წლების დასრულების შემდეგ ეწურება.

მიმდინარე სეზონში ინსმა "ბლექპულის" მაისური 24 მატჩში მოირგო და 13 გოლი გაიტანა.