ლაუდრუპმა "ბარსელონას" თავდამსხმელზე დავიდ ვილიაზე ისაუბრა.

მიკაელ ლაუდრუპი,რომელმაც "სუონსიში" ბრენდან როჯერსი წარმატებით შეცვალა,კლუბში სამი ესპანელი ფეხბურთელი მიჩუ,პაბლო ერნანდესი და ჩიკო ფლორესი გადაიბირა,რომლებიც პრემიერ ლიგის პირველივე ტურებში გუნდის მთავარ ფიგურებად იქცნენ.

რამოდენიმე დღის წინ გავრცელდა ინფორმაცია იმის შესახებ,რომ კატალონიელების თავდამსხმელით დავიდ ვილიათ უელსური კლუბი იყო დაინტერესებული.

"ვილიას "სუონსიში" ტრანსფერთან დაკავშირებული ხმები მხოლოდ გავრცელებული ჭორებია.დავიდი - შესანიშნავი ფეხბურთელია,მაგრამ არამგონია ჩვენს გუნდში თამაში მოინდომოს.მე ამ თემასთან დაკავშირებით არც ანდონის სუბისარეტასთან და არც ტიტო ვილანოვასთან არ მისაუბრია და დარწმუნებული ვარ,რომ დავიდი "ბარსელონაში" დარჩება",-განაცხადა ლაუდრუპმა.