"ჩელსის" ნახევარმცველმა ფრენკ ლამპარდმა ამერიკულ "ლოს-ანჯელეს გელექსისთან" მოლაპარაკებები წამოიწყო, იტყობინება Goal.com.

მოცემული წყაროს ინფორმაციით, როგორც ჩანს, ლამპარდი მიმდინარე სეზონის დასრულების შემდეგ პრემიერ ლიგაში დარჩენას არ აპირებს და ამერიკაში გადაბარგდება. მოგეხსენებათ, ადრე იტყობინებოდნენ, რომ ნახევარმცველით "ევერტონი" და "მანჩესტერ იუნაიტედი" იყვნენ დაინტერესებულნი.

შეგახსენებთ, რომ ფრენკის აგენტის სიტყვებით, მისი კლიენტი 2013-წლის ზაფხულში "ჩელსის" თავისუფალი აგენტის სტატუსით დატოვებს.