"ქუინზ პარკ რეინჯერსი" აქტიურ სატრანსფერო კამპანიას ეწევა, რათა ინგლისის პრემიერ ლიგაში ადგილი შეინარჩუნოს.

"რეინჯერების" მთავარი მწვრთნელი ჰარი რედნაპი ერთდროულად ექვს ფეხბურთელთან აწარმოებს მოლაპარაკებებს - სამ ნახევარმცველთან მოჰამედ დიამესთან ("ვესტ ჰემი"), იან მვილასთან ("რენი") და ტიმ კეჰილთან ("ნიუ-იორკ რედ ბულსი"), ასევე სამ თავდამსხმელთან რობი კინთან ("ლოს-ანჯელეს გელექსი"), ნიკოლა ანელკასთან ("შანხაი შენხუა") და ლოიკ რემისთან ("მარსელი"), იტყობინება Metro.

წყაროს ინფორმაციის თანახმად, კინი და კეჰილი "ქპრ"-ში შესაძლოა ექვსკვირიანი არენდით გადავიდნენ, მაგრამ რედნაპს სურს, რომ ეს ფეხბურთელები კლუბმა ექვსთვიანი არენდით აიყვანოს.