"ატლეტიკოს" გოლკიპერმა ტიბო კურტუამ გავრცელებულ ხმებზე ისაუბრა, რომლის თანახმადაც იგი მადრიდულ კლუბში შესაძლოა კიდევ ერთი სეზონი დარჩეს.

"მე "ჩელსის" ვეკუთვნი, თუმცა მოხარული ვარ, რომ "ატლეტიკოში" ვთამაშობ. მიმდინარე სეზონის დასრულების შემდეგ ჩვენ განვიხილავთ, რომელი ვარიანტია ჩემთვის ყველაზე კარგი "ატლეტიკოში" დარჩენა თუ "ჩელსიში" დაბრუნება".

"მომდევნო სეზონში თუ ისევ მადრიდში ვითამაშებ, ძალიან მოხარული დავრჩები. თუმცა, ლონდონური კლუბის ხელმძღვანელობასთან ჩემს მომავალთან დაკავშირებით ჯერ არ მისაუბრია",-განაცხადა კურტუამ.

შეგახსენებთ, რომ 20-წლის ბელგიელმა გოლკიპერმა მიმდინარე სეზონში "როხიბლანკოს" მაისური ლა ლიგის 18 მატჩში მოირგო და 9 შეხვედრაში კარი მშრალად შეინახა.