საქართველოს ნაკრების შემტევ ნახევარმცველ სანდრო კობახიძეს ინტერნეტჟურნალი football.ua თბილისში შეეხმიანა. უკრაინული ვებგვერდი ფეხბურთელის სამომავლო გეგმებით დაინტერესდა და რამდენიმე კითხვა დაუსვა. ვრცელდება ინფორმაცია, რომ სანდრო ახალ სეზონს მოსკოვის "ლოკომოტივთან” ერთად დაიწყებს.

- სხვადასხვა ინტერნეტ გამოცემები აქტიურად საუბრობენ მოსკოვის "ლოკომოტივში” თქვენ ტრანსფერზე. იცით სად გააგრძელებთ კარიერას ახალი სეზონიდან?

– ახლა საქართველოში ვიმყოფები და ჩემი მომავლის საკითხი ნამდვილად აქტუალური განხილვის საგანია. ამ ეტაპზე გარკვეული აბსოლუტურად არაფერია. "ლოკომოტივის” და სხვა კლუბების შესახებ თავადაც ინტერნეტით ვიგებ.

- მოსკოვური გუნდის მხრიდან ინტერესის შესახებ, რომელსაც ახლახანს ლეონიდ კუჩუკი ჩაუდგა სათავეში, მხოლოდ ჭორებია?

– არ მინდა ჯერ კარტები ბოლომდე გავხსმა. ერთადერთი რაც სიმართლეა ის არის, რომ ჯერჯერობით ყველაფერი გაურკვეველია.

- ამას წინად განაცხადეთ, რომ "დნიპრომ” ახალი კონტრაქტი შემოგთავაზათ…

– დიახ, ნამდვილად ასეა. კვირის ბოლოს ჩავალ უკრაინაში და შევხვდები კლუბის ხელმძღვანელობას, რის შემდეგაც გადაწყდება კიდეც სად გავაგრძელებ კარიერას.

- თავად სად ისურვებდით თამაშს?

– "დნიპროსთან” ახალი კონტრაქტი, ნამდვილად იდეალური ვარიანტია და ვისურვებდი კიდეც აქ დარჩენას, მაგრამ ფეხბურთში იმდენად სწრაფად იცვლება ყველაფერი წინასწარ რამის თქმა რთულია.

ცნობისთვის, სანდრო სეზონის მეორე ნახევარში კიევის "არსენალიდან” შეურთდა დნეპროპეტროვსკულ კლუბს. "მეთოფეებში” იგი იჯარით იყო განათხოვრებული. თუმცა "დნიპროს” რიგებში მხოლოდ ერთხელ ითამაშა ძირითადში და ოთხჯერ შევიდა შეცვლაზე. "კარპატის” კარში გატანილი მისი გოლი ერთადერთია მის დნეპროპეტროვსკულ კარიერაში. ოთხი გოლი მანამდე "არსენალის” რიგებში გაიტანა, საიდანაც ორჯერ თასზე გამოიჩინა თავი და ორჯერ ჩემპიონატში.

მალხაზ გედევანიშვილი, geosports.ge