მოგეხსენებათ, "ბლანკოსის" გამოცდილმა გოლკიპერმა პრიმერა დივიზიონის ბოლო ორი მატჩი სათადარიგოთა სკამიდან დაიწყო.

ძირითად შემადგენლობაში იკერი კოპა დელ რეის განმეორებით მატჩში "სელტას" წინააღმდეგ დაბრუნდა, ამ მატჩი მან კარი "მშრალად" შეინახა და იმედოვნებს, რომ ესპანეთის ჩემპიონატშიც პირველი წუთებიდანვე უკაპიტნებს მადრიდელებს.

"გავრცელებული ხმების დაკომენტარებას არ ვაპირებ. ყველაფერი, რაც ამ სიტუაციაში უნდა გავაკეთო - თავდაუზოგავად ვარჯიშია. რითაც უკვე დაკავებული ვარ. მსურს ჟოზეს ვაჩვენო, რომ სწორედ მე ვიმსახურებ "რეალის" "პირველი ნომრის" სტატუსს",-განაცხადა კასილიასმა.