"მანჩესტერ სიტის" თავდამსხმელი ედინ ჯეკო მზად არის ძირითად შემადგენლობაში ადგილის დასამკვიდრებლად იბრძოლოს.

"ბოლო დროს პრესა ძალიან აქტიურად წერს იმის შესახებ,რომ მე "სიტის" დატოვებას ვაპირებ.გულწრფელად ვამბობ,ეს ინფორმაცია სიმართლეს ნამდვილად არ შეესაბამება.არასდროს მითქვია,რომ მანჩესტერის დატოვება მსურს",-აცხადებს ჯეკო.

"კონკურენცია? მე კონკურენციის არასდროს არ მეშინოდა და არც მომავალში შემეშინდება.მზად ვარ ძირითად შემადგენლობაში ადგილის დასამკვიდრებლად ვიბრძოლო.ყველაფერს გავაკეთებ იმისათვის,რომ "სიტის" გულშემატკივრები გავახარო".