"იუვენტუსმა" "ლიონთან" თავდამსხმელის ლისანდრო ლოპესის ტრანსფერთან დაკავშირებით მოლაპარაკებების ახალი სტადია წამოიწყო, იტყობინება La Gazzetta dello Sport.

ტურინული გრანდის ხელმძღვანელობა მზადაა არგენტინელი თავდამსხმელის სანაცვლოდ 5 მილიონი ევრო გადაიხადოს, თუმცა "ლიონი" ფეხბურთელის ტრანსფერის სანაცვლოდ 8 მილიონს ითხოვს.

შეგახსენებთ, რომ ცოტა ხნის წინ, ფრანგული კლუბის პრეზიდენტმა ჟან-მიშელ ოლამ განაცხადა, რომ კლუბმა ლისანდრო ლოპესი "იუვენტუსში" არენდის წესით არ გაუშვა.

მიმდინარე სეზონში ფორვარდმა "ლიონის" მაისური საფრანგეთის ლიგა 1-ის 15 შეხვედრაში მოირგო და 6 გოლი გაიტანა.