"ბოლონიას” ნახევარმცველმა რამოდენიმე ტოპ-კლუბის ყურადღება მიიპყრო.

როგორც Goal.com იტყობინება, "ინტერი” "ბოლონიას” შემტევი ნახევარმცველის ალესანდრო დიამანტის ხელში ჩაგდებისათვის ბრძოლაში "იუვენტუსს” შეუერთდა.

გავრცელებული ინფორმაციით, ორივე კლუბმა ამასთან დაკავშირებით წინასწარი მოლაპარაკებები უკვე გამართა, თუმცა უახლოეს დღეებში "ინტერი” "ბოლონიასთან” პოტენციურ ტრანსფერთან დაკავშირებით ოფიციალური მოლაპარაკებების წამოწყებას გეგმავს.

შეგახსენებთ, რომ 29-წლის დიამანტის ამჟამინდელ კლუბთან კონტრაქტი 2017-წლის ზაფხულში ეწურება.