როგორც აღმოჩნდა, "ბარსელონას" ყოფილ და მიუნხენის "ბაიერნის" მომავალ მწვრთნელს "ჩელსისთვის" უარი შეუთვლია.

თუ ესპანურ პრესას დავუჯერებთ, რომან აბრამოვიჩი გვარდიოლას გასაოცარ კონტრაქტს სთავაზობდა: 20 მილიონი ევრო სეზონში და 100-150 მილიონი ევრო ტრანსფერებისთვის. ამასთანავე "არისტოკრატთა" მფლობელი პეპს საკუთარ ვერტმფრენს გამოუყოფდა, რომელიც ყოველი ვარჯიშის შემდეგ სპეციალისტს სახლში გადაიყვანდა.

მაგრამ, როგორც ვიცით, გვარდიოლამ "ბაიერნი" აირჩია. გერმანულ გრანდში ესპანელი წლიურად 8-9 მილიონ ევროს გამოიმუშავებს.