მიუხედავად იმისა, რომ მიუნჰენურ კლუბთან ჩამორჩენა 7 მატჩის შემდეგ 9 ქულაა, "დორტმუნდელთა" ნახევარმცველი მიიჩნევს, რომ მის გუნდს შეუძლია ბუნდესლიგის ტიტულისთვის ბრძოლა.

"დიახ, მიუნჰენელები ლიდერობენ, მაგრამ ჩვენ ჯერ კიდევ შეგვიძლია დავეწიოთ მათ. დაშორება სატურნირო ცხრილში არც თუ ისე დიდია." - ამბობს მარიო გიოცე.

"გვეშინია თუ არა "ბაიერნის"? ამის საფუძველი არ გვაქვს. ჩვენ ყველა მატჩის მოგება უნდა შევეცადოთ და იმის იმედი გვქონდეს, რომ თავისმხრივ, იუპ ჰაინკესის გუნდი ქულებს დაკარგავს".