გორის „დილას" ყოფილი თავკაცი გიორგი დარასელია, გუშინ საქართველოდან ისრაელში გაემგზავრა. იგი, ამჟამად იქ მცხოვრებ ცოლშვილთან ერთად, ახალ წელს გაითენებს, მოგვიანებით (11 იანვრიდან) კი, ხაბაროვსკის „სკა–ენერგიას" მთავარი მწვრთნელის რანგში, წითელი ზღვისპირა კურორტ ეილათში შუასასეზონო პირველ შეკრებას გაივლის.
თელ ავივში გამგზავრებამდე, თბილისის საერთაშორისო აეროპორტში გიორგი დარასელიამ ჩვენი ვებ–გვერდისთვის ასეთი კომენტარი გააკეთა:
„მინდა ყველას, ვინც „დილას" წარმატებულ სვლაში მეხმარებოდა, კიდევ ერთხელ ვუთხრა მადლობა. გუნდში ისეთი ფეხბურთელები თამაშობდნენ, რომლებმაც მანამდე თავიანთი მაღალი კლასი ბევრჯერ დაამტკიცეს. მოხარული ვარ, რომ მათ ეს ჩემი ხელმძღვანელობითაც გაიმეორეს.
გუნდის ქომაგებს განსაკუთრებული მადლიერებით მოვიხსენიებ. მათი მხარდაჭერა ჩვენი გუნდის ყველა წევრისთვის დიდად ფასობდა. ისინი „დილას" ყველა გამარჯვების თანამონაწილეები იყვნენ და დარწმუნებული ვარ, მათ თანადგომას ყველა ყოველთვის შესაბამისად დააფასებს.
მოახლოებული ახალი წელი, ყველა იმ ადამიანს მინდა მივულოცო, ვისაც გორის „დილას" და საერთოდ ქართული ფეხბურთის წინსვლა გაახარებს".
თელ ავივში გამგზავრებამდე, თბილისის საერთაშორისო აეროპორტში გიორგი დარასელიამ ჩვენი ვებ–გვერდისთვის ასეთი კომენტარი გააკეთა:
„მინდა ყველას, ვინც „დილას" წარმატებულ სვლაში მეხმარებოდა, კიდევ ერთხელ ვუთხრა მადლობა. გუნდში ისეთი ფეხბურთელები თამაშობდნენ, რომლებმაც მანამდე თავიანთი მაღალი კლასი ბევრჯერ დაამტკიცეს. მოხარული ვარ, რომ მათ ეს ჩემი ხელმძღვანელობითაც გაიმეორეს.
გუნდის ქომაგებს განსაკუთრებული მადლიერებით მოვიხსენიებ. მათი მხარდაჭერა ჩვენი გუნდის ყველა წევრისთვის დიდად ფასობდა. ისინი „დილას" ყველა გამარჯვების თანამონაწილეები იყვნენ და დარწმუნებული ვარ, მათ თანადგომას ყველა ყოველთვის შესაბამისად დააფასებს.
მოახლოებული ახალი წელი, ყველა იმ ადამიანს მინდა მივულოცო, ვისაც გორის „დილას" და საერთოდ ქართული ფეხბურთის წინსვლა გაახარებს".