პრესაში კვლავ აქტიურად არის საუბარი იმ თემაზე, რომ სამეფო კლუბი რიკარდო კაკას გაშვებას აპირებს.

ბრაზილიელი ნახევარმცველი, არ შედის ჟოზე მოურინიოს გეგმებში და აქვს ძალიან ცოტა სათამაშო პრაქტიკა "თეთრების" ბანაკში. ესპანური მედია იუწყება, რომ რიკარდო სულ მალე დატოვებს გუნდს. ნახევარმცველს "კორინთიანსში" და "ნიუ-იორკ რედ ბულსში" გადასვლა შეუძლია.

ესპანურ პრესაში ასევე იწერება, რომ მოურინიოს კაკას გაყიდვა ზაფხულშიც აქტიურად სურდა, თუმცა მისი მყიდველები არ გამოჩენილან.