როგორც ჩანს, "მილანის" ფორვარდს ბრაზილიაში მხოლოდ მშობლიური "სანტოსის" მაისურის მორგება სურდა, რომელმაც იგი ფინანსური პრობლემების გამო ვერ შეიძინა.

"იგი "მილანში" რჩება. მას აქაურობის დატოვება მხოლოდ თავისი მშობლიური კლუბის გამო სურდა",-აცხადებს "მილანის" ვიცე-პრეზიდენტი ადრიანო გალიანი.

"ჩვენ "სანტოსთან" შეთანხმებას ვერ მივაღწიეთ, ხოლო რობინიოს აგენტმა კი ფეხბბურთელის პირადი კონტრაქტის პირობები ვერ შეათანხმა".

"სხვა კლუბებს, რომლებიც რობინიოთი იყვნენ დაინტერესებულნი, ფინანსური მხარით შევუთანხმდით, თუმცა თავად ფეხბურთელმა არ ისურვა სხვა კლუბში გადასვლა. მაგალითად, გუშინ ბრაზილიური "გრემიო" მზად იყო რობინიოს სანაცვლოდ ნებისმიერი თანხა გადაეხადა",-დაასრულა გალიანიმ.