უეფას შტაბბინაში გაირკვა საჩხერის "ჩიხურასა”და ქუთაისის "ტორპედოს” მეტოქეების პირველ საკვალიფიკაციო ეტაპზე. საჩხერელებს "ვადუცის” ბარიერის გადალახვა მოუწევთ, ხოლო ქუთაისელებს – "ჟილინას”.

"ჩიხურაც” და "ტორპედოც” პირველ მატჩს შინ, 4 ივლისს გამართავენ, ხოლო საპასუხოს- 11 ივლისს.

გორის "დილა” ევროპის ლიგას მეორე საკვალიფიკაციო ეტაპიდან შეუერთდება. მისი მეტოქე დანიური "ოლბორგი” იქნება. "დილა” პირველ შეხვედრას 18 ივლისს გამართავს, საპასუხოს – 25 ივლისს.