მიუხედავად იმისა, რომ ფეხბურთელის ამჟამინდელმა კლუბმა განაცხადა, რომ საკუთარი ვუნდერკინდის გასხვისებას ამ ზამთრის სატრანსფერო ფანჯარაზე არ აპირებს, ვილფრიდის წასვლა, როგორც ჩანს გარდაუვალია.

ავტორიტეტული გამოცემა The Telegraph იტყობინება, რომ "კრისტალ პალასის" ფორვარდის ვილფრედ ზაჰას გადაბირების მთავარი ფავორიტი "მანჩესტერ იუნაიტედია".

მანიკუნიანელების გარდა ზაჰას გადაბირება სხვა პრემიერ ლიგის გრანდებსაც სურთ, თუმცა მათ კლუბის ხელმძღვანელობასთან მოლაპარაკებების მიღწევა ვერ შეძლეს და ამით ნაბიჯი უკან გადადგეს.

იტყობინებიან, რომ "ემიუ" "კრისტალ პალასს" თავდამსხმელის სანაცვლოდ 12 მილიონ ფუნტ სტერლინგს გადაუხდის და ლონდონურ კლუბში მიმდინარე სეზონის ბოლომდე არენდის წესით დატოვებს.