დორტმუნდის "ბორუსიას” ხელმძღვანელობამ გუნდის გოლკიპერთან რომან ვაიდენფელერთან და ნახევარმცველთან ილკაი გიუნდოგანთან ახალი ხელშეკრულებების პირობები შეათანახმა.

გერმანული პრესის ინფორმაციით, 22-წლის ნახევარმცველის კონტრაქტი 2015-წლის ზაფხულამდე იმოქმედებს. გავრცელებული ინფორმაციით, ახალი შეთანხმება გიუნდოგანის სახელფასო პირობებსაც გააუმჯობესებს.

რაც შეეხება 32-წლის კარის დარაჯს, მაშინ კიპერმა კონტრაქტი კიდევ ორი წლით გაახანგრძლივა. ასე რომ, ვაიდენფელერი "ბორუსიას” ღირსებას 2016-წლამდე დაიცავს.

უნდა აღინშნოს, რომ ცოტა ხნის წინ დორტმუნდელებთან ახალი ხელშეკრულება გუნდის კაპიტანმა სებასტიან კელიმაც გააფორმა.