გუშინდელი მატჩის შემდეგ ლონდონის "ჩელსის" მთავარმა მწვრთნელმა, რობერტო დი მატეომ, კომენტარი გააკეთაა.

"შახტარი" ძალიან ძლიერი გუნდია. დღეს კიდევ ერთხელ დავრწმუნდით ამაში. რთულ ჯგუფში მოვხვდით. თუმცა, ჩემპიონთა ლიგაში სხვაგვარად არც ხდება", -განაცხადა იტალიელმა სპეციალისტმა.

"სწრაფმა გოლმა "შახტარს" ხელი შეუწყო. მეორე ტაიმში უკეთ გამოვიყურებოდით, მაგრამ მაინც გავუშვით გოლი. კარგი გუნდი გვყავს და ამას მომავალ მატჩში დავამტკიცებთ. ვალდებულნი ვართ, ჩემპიონთა ლიგაში მომდევნო ორი საშინაო შეხვედრა მოვიგოთ. დარწმუნებული ვარ, ლონდონში "შახტარს" გაუჭირდება. მშობლიურ კედლებში ძალიან ძლიერები ვართ".