ესპანეთის ეროვნული ნაკრებისა და ყოფილი მადრიდის "რეალის" მთავარი მწვრთნელი ვისენტე დელ ბოსკე მიიჩნევს, რომ იკერ კასილასი მადრიდული კლუბის სიამაყეა.

როგორც მოგეხსენებათ ბოლო ტურში ჟოზე მაურინიომ იკერ კასილასი სათადარიგო სკამზე დააყენა, რამაც დიდი განცვიფრება გამოიწვია მადრიდელტა ბანაკში.

ამასთან დაკავშირებით მინდა შემოგთავაზოთ ვისენტე დელ ბოსკეს კომენტარიც.

"კასილასი მადრიდის "რეალის" სიამაყეა, იგი უმნიშვნელოვანეს ფიგურას წარმოადგენს "სამეფო კლუბისთვის". ვიმედოვნებ, რომ მალე ყველაფერი თავის ადგილზე დადგება და იკერიც მოახერხებს ძირითადიდან თამაშს. იგი მადრიდული კლუბის სიმბოლოა.", - დაასრულა ესპანეთის ეროვნული ნაკრების მთავარმა მწვრთნელმა ვისენტე დელ ბოსკემ.