"იუვენტუსის" მცველი, ლეონარდო ბონუჩი მიიჩნევს, რომ ის 17 ქულიანი უპირატესობა, რაც "ბებერ ქალბატონს" აქვს "როსონერისთან" არაფერს ნიშნავს.

"ევროთასებზე ჩემპიონთა ლიგის მოქმედი ჩემპიონის დამარცხება ძალიან მაგარია, მაგრამ ამ უქმეებზე "მილანის" წინააღმდეგ ფხიზლად უნდა ვიყოთ", -განაცხადა ბონუჩიმ. "ეს არის გუნდი, რომელსაც სწორ გზაზე დაბრუნების უდიდესი სურვილი აქვს. ამ მატჩისათვის სრული პასუხისმგებლობით უნდა მოვემზადოთ".

"საკუთარ თავს და თანაგუნდელებს ვუთხარი, რომ "ჩელსისთან" ვაჩვენეთ, თუ როგორ გვწყურია გამარჯვებები. ახლა იმავე უნდა ვაჩვენოთ ჩემპიონატშიც".