სილვიო ბერლუსკონის შვილმა ბარბარამ, რომელიც ამავდროულად "მილანის” ხელმძღვანელობის წევრიცაა, განაცხადა, რომ მამაისი კლუბისგან თავის დაღწევას არ გეგმავს.

"მამამ ყველას დაგვანახა, რომ "მილანი” მის გულშია. ჩვენი ოჯახი არასდროს გაყიდის ამ კლუბს. შეიძლება ახალი პარტნიორები და სპონსორები მოვიყვანოთ, მაგრამ გაყიდვა სულ სხვა რამაა. ასეთი რამ არასდროს მოხდება.

ჩვენი მთავარი მიზანი მაღალ დონეზე დარჩენაა, მაგრამ ამასთანავე ფინანსური სტაბილურობა უნდა შევინარჩუნოთ. ეს ეკონომიკური თვალსაზრისითაც მნიშვნელოვანია. ფინანსური "ფეირ ფლეის” მოთხოვნები უნდა დავაკმაყოფილოთ”, -განაცხადა ბარბარა ბერლუსონი.