"ჩელსის" მთავარმა მწვრთნელმა რაფა ბენიტესმა განაცხადა, რომ კასორლას გადაბირება მაშინ სურდა, როდესაც იგი "ლივერპულში" მუშაობდა, ხოლო სანტი "ვილიარეალში" გამოდიოდა, რომელიც ახლა "არსენალში" ასპარეზობს.

"კასორლას გადაბირება მაშინ მსურდა, როდესაც "ლივერპულს" ვწვრთნიდი. თუმცა, "ვილიარეალის" პრეზიდენტმა გუნდის მთავარი ლიდერის გასხვისება არ მოინდომა".

"გარდა ამისა, მისი სატრანსფერო ფასი იმ დროისთვის ძალიან სოლიდურ თანხას შეადგენდა, სწორედ ამიტომ გარისკვა არ ღირდა",-განაცხადა ბენიტესმა.