ესპანური გამოცემა Sport იუწყება, რომ კატალონიური გრანდის ხელმძღვანელობა უკვე დაუკავშირდა "არსენალს” ლორან კოსელნის ტრანსფერთან დაკავშირებით.

შეგახსენებთ, რომ "ბარსას” ინტერესთა სფეროში უკვე მოხვდნენ ტიაგო სილვა "პსჟ”-დან, "სიტის” კაპიტანი ვისენტე კომპანი, "არისტოკრატი” დავიდ ლუისი და "ვალენსიელი” ჟერემი მატიე. თუმცა მათი გადმობირება ვერ მოხერხდა, ამიტომ გუნდი ახლა "მეთოფეთა” უკანახაზელზე გადაერთო. ტიტო ვილანოვას კოსელნი ძალიან ესიმპატიურება, თანაც მის სანაცვლოდ მოთხოვნილი 15 მილიონი არც თუ დიდი თანხაა.

გავრცელებული ინფორმაციის თანახმად, მხარეები ერთმანეთთან მოლაპარაკებას მართავენ, თავად კოსელნი კი ლონდონში გატარებული სამი წლის შემდეგ, გარემოს შეცლვის წინააღმდეგი არაა.

წყარო: Sport.es