კატალონიური კლუბის ხელმძღვანელობა ესპანეთის ნაციონალური ნაკრების ფეხბურთელის შეძენას გეგმავს.

ესპანური მასმედია იუწყება, რომ ფეხბურთელის მამა, მისი აგენტი და "ბარსელონას” წარმომადგენლები რამოდენიმე დღის წინ შეხვდნენ და მოლაპარაკებები გამართეს.

კატალონიურმა გრანდმა "ატლეტიკის” ნახევარმცველის მიმართ თავისი დაინტერესება გამოთქვა და ფეხბურთელს კონტრაქტი შესთავაზა.

მიუხედავად ამისა, რამოდენიმე კვირის წინ, ერერამ ერთ-ერთ ინტერვიუში განაცხადა, რომ "ბარსელონაში” მას ბევრი პრეტენდენტი ეყოლება, სწორედ ამიტომ, სასტარტო შემადგენლობაში რეგულარული ადგილი გარანტირებული
არ ექნება.

შეგახსენებთ, რომ ერერას "ბილბაოსთან” მოქმედი კონტრაქტი 2015-წლის ზაფხულამდე აკავშირებს.