"ბარსელონამ" ვიქტორ ვალდესის აგენტთან ახალ კონტრაქტთან დაკავშირებით მოლაპარაკებები წამოიწყო, იტყობინება El Mundo Deportivo.

დღეს გოლკიპერის აგენტი ხინეს კარვახალი და ფეხბურთელის მამა ხოსე ვალდესი "ბარსელონას" სპორტულ დირექტორს ანდონი სუბისარეტასა და ვიცე-პრეზიდენტს ჟოზეპ ბართომეუს შეხვდნენ.

შეგახსენებთ, რომ "ბარსელონა" ვალდესთან კონტრაქტის გახანგრძლივებას 2018-წლამდე აპირებს. მიმდინარე შეთანხმების თანახმად კი გოლკიპერს კატალონიურ გრანდთან კონტრაქტი 2014-წელს ეწურება.