"ბარსელონამ" ესპანეთის ჩემპიონატის პირველი წრე "მალაგასთან" სტუმრად მოგებული მატჩით დაასრულა (3:1).

პრიმერა დივიზიონის 19 მატჩიდან კატალონიურმა გრანდმა მხოლოდ ორი ქულა დაკარგა, 57 შესაძლებელი ქულიდან 55 აიღო, რაც ესპანეთის ჩემპიონატის ახალი რეკორდია.

გასული რეკორდიც "ბარსას" ეკუთვნოდა, როდესაც "ლურჯ-ბროწეულისფრებმა" 2010/11 წლების სეზონის პირველ წრეში 52 ქულა მოაგროვეს.

აღსანიშნავია, რომ პირველი წრის მოგების 18 შემთხვევიდან 11-ში კატალონელებმა პრიმერა დივიზიონის ტიტულის მოპოვება შეძლეს, იტყობინება კლუბის ოფიციალური საიტი.