"ვალენსიას” მცველი ჟერემი მატიე "ბარსელონას” ინტერესების სფეროში მოექცა.

კატალონიური კლუბის სკაუტები მიმდინარე სეზონის მიმდინარეობისას ფრანგის თამაშს რეგულარულად აკვირდებოდნენ. ფეხბურთელი შესაძლოა "ბარსელონაში” გადაბარგდეს, თუ "ლურჯ-ბროწეულისფრები” იმ მცველების ტრანსფერებს ვერ შეათანხმებენ, რომლებსაც გუნდის გაძლიერების პრიორიტეტულ ვარიანტებად განიხილავენ.

29-წლის მატიეს "ვალენსიასთან” კონტრაქტი 2014-წლის ზაფხულში ეწურება. კლუბი მას ახალ ორწლიან ხელშეკრულებას სთავაზობს, თავად ფეხბურთელი კი მზადაა მხოლოდ "ბარსელონასა” და "რეალის” ოფიციალური წინადადებები განიხილოს.

ფეხბურთელის სავარაუდო სატრანსფერო ფასი 8 მილიონ ევროს შეადგენს.

აქვე გეტყვით იმასაც, რომ მიმდინარე სეზონში მატიემ "მფრინავი ღამურების” მაისური ლა ლიგის 13 შეხვედრაში მოირგო და თავი მხოლოდ ერთი შედეგიანი გადაცემით გამოიჩინა.