"ვალენსიას" 25-წლის გოლკიპერმა ვისენტე გუაიტამ კარიერა შესაძლოა "ბარსელონაში" გააგრძელოს, იტყობინება Mundo Deportivo.

წყაროს ინფორმაციის თანახმად, კატალონიელები გუაიტას გუნდის ორი გოლკიპერის ვიქტორ ვალდესის ან ხოსე პინტოს შემცვლელად განიხილავენ. ამ ორივე კარის დარაჯს "ბარსელონასთან" კონტრაქტი 2014 წელს ეწურება.

აღსანიშნავია ის ფაქტიც, რომ "ლურჯ-ბროწეულისფერები" გუაიტათი გასული წლის მაისშიც ინტერესდებოდნენ. ცოტა ხნის წინ გავრცელებული ინფორმაციის თანახმად, ვისენტეს გადაბირება ლონდონის "არსენალსაც" სურს.