9:41 PM “ბაიერნის” ფეხბურთელები გვარდიოლას პირველი ვარჯიშით კმაყოფილნი არიან | |
 იმ ფეხბურთელებმა, რომლებმაც გასულ სეზონში ყველაფერი მოიგეს, ახალ მწვრთნელთან დაკავშირებით, თავიანთი აზრი გაგვიზიარეს. "სიამოვნება მივიღეთ. ახალი სეზონის ძალიან კარგი დასაწყისი გამოვიდა”, – განაცხადა ტომას მიულერმა. "ვფიქრობ, შესანიშნავი მწვრთნელი ჩავიგდეთ ხელში”, – აცხადებს "რეკორდმაისტერის” ახალწვეული იან კირხოფი. "მაშინვე გესმის, რომ მან იცის ის, რაც მას სურს. პეპმა მკითხა, თუ რომელ პოზიციაზე ვგრძნობ თავს ყველაზე უკეთესად”, – დაამატა ფრანკ რიბერიმ. "პეპი გერმანულ ენაზე უკვე ძალიან კარგად საუბრობს, ძალიან მალე კი უფრო უკეთესად ისაუბრებს. ახალი მწვრთნელი, ახალი წვრთნები. სეზონის ასეთ დიდებულ სპეციალისტთან დაწყებით ძალიან მოხარულნი ვართ”, – საკუთარი აზრი მანუელ ნოიერმაც გაგვიზიარა. "ძალიან კარგი დასაწყისი იყო. მოგვიწია ისეთი რამის გაკეთება, რაც ჯერ არ გაგვიკეთებია, მაგრამ ამას უნდა შევეჩვიოთ. შეგვიძლია ვიამაყოთ, რომ ასეთი შესანიშნავი კარგი ახალი მწვრთნელი გვყავს”, – დაასრულა ტონი კროოსმა. წყარო: FCBayern.t-com.de | |
|
| |
| სულ კომენტარები: 0 | |