პორტუგალიელი "ბლანკოსში" დარჩენას მიმდინარე ხელშეკრულების ბოლომდე ამოწურვას აპირებს,რომელიც მას ორი წლის შემდეგ უმთავრდება,შემდეგ კი მადრიდის დატოვებას თავისუფალი აგენტის სტატუსით აპირებს.

როგორც ესპანური გამოცემა იტყობინება,"რეალმა" კრიშტიანუ რონალდუს კონტრაქტის 2018-წლამდე გახანგრძლივება შესთავაზა და ამ კონტრაქტში ჩადებული პირობის თანახმად მისი წლიური ხელფასი 15 მილიონ ევრომდე გაიზრდებოდა,თუმცა პორტუგალიელმა ახალი ხელშეკრულების გაფორმებაზე უარი განაცხადა.

შეგახსენებთ,რომ პორტუგალიელმა დაიჩივლა - ესპანეთში თავს ძველებურად ვეღარ ვგრძნობო.იტყობინებიან,რომ ამის მიზეზი თანაგუნდელების მის მიმართ ცუდი ურთიერთობაა.

27-წლის თავდამსხმელის გადაბირების მთავარ პრეტენდენტებად "პსჟ"-სა და მის ყოფილ კლუბს - "მანჩესტერ იუნაიტედს" მოიაზრებენ.