"მილანის" მთავარი მწვრთნელი, მასიმილიანო ალეგრი, მიუხედავად "ზენიტთან" წაგებისა, მთლიანობაში კმაყოფილი დარჩა თავისი გუნდის თამაშით.

"გუნდი საკმაოდ კარგად გამოიყურებოდა. გაშვებული გოლის თავიდან აცილება შესაძლებელი იყო, უფრო ყურადღებით რომ გვეთამაშა." - განაცხადა ალეგრიმ.

"პირველ ტაიმში ორი ძალიან კარგი მომენტი გვქონდა. არ უარვყოფ, რომ დასკვნით 10 წუთში ცოტათი მოვდუნდით, მაგრამ ეს ნორმალურია."

"შეიძლება, "ზენიტს" უფრო მეტი მოტივაცია ჰქონდა" - დაამატა მასიმილიანომ.

"დღეს რაღაც გვაკლდა ფლანგებზე. ვაგრძელებთ ბევრი გოლის გაშვებას და ეს ჩვენი მთავარი სისუსტეა. ამ ასპექტში მუშაობა მოგვიწევს."