"არსენალის” ყოფილი ფორვარდი ემანუელ ადებაიორი თავისი ყოფილი გუნდის წყენინებაზე ოცნებობს.

"ახლა მთლიანად "ტოტენჰემზე” ვარ კონცენტრირებული. "არსენალში” წარსულში ვთამაშობდი. ახლა "ტოტენჰემს” ვეკუთვნი და "დეზებისთვის” ვიბრძვი. ჩემი საქმე და პრობლემა აღარაა რას მიაღწევს "არსენალი”.

"თუ შემეძლება ჩემპიონთა ლიგაზე თამაშის მათი ყველანაირი იმედი მოვკლა, მაშინ ამას გავაკეთებ. ფეხბურთში ყოველთვის ცდილობ შენი გუნდისათვის ყველაფერი გააკეთო. ახლა "ტოტენჰემში” ვარ და ჩემმა გუნდმა წარმატებას, რომ მიაღწიოს ამისათვის ყველაფერს გავაკეთებ”.

"რა თქმა უნდა, "არსენალმა” შესაძლოა ქულები დაკარგოს. რატომაც არა? მიმდინარე სეზონის განმავლობაში მათ ქულები უკვე ბევრჯერ დაკარგეს”, – განაცხადა ადებაიორმა.