"ბარსელონას" პრეზიდენტმა სანდრო როსელმა განაცხადა, რომ ფრანგი მცველი ერიკ აბიდალი, მძიმე ოპერაციის გადატანის შემდეგ, მოედანზე დაბრუნებასთან ახლოსაა.

"უახლოეს დროში აბიდალი ფედერაციისგან ოფიციალურ დოკუმენტს მიიღებს, რომლის თანახმადაც მას თამაში 30 იანვრის შემდეგ შეეძლება. ჩვენი სამედიცინო შტაბი ფეხბურთელის კონდიციებს აკვირდება და ძალიან მალე გახდება ცნობილი, თუ როდის დაუბრუნდება ერიკი მოედანს",-განაცხადა როსელმა.

ბოლოს, ფრანგმა მარცხენა მცველმა "ლურჯ-ბროწეულისფერთა" მაისური 2012-წლის თებერვალს მოირგო, სადაც მისი გუნდი ლა ლიგის ეგიდით სტუმრად მადრიდის "ატლეტიკოს" დაუპირისპირდა (1:2).